近年嚟，神龍汽車、家樂福等法資企業相繼落戶武漢，三角湖一帶成為法籍人士居住嘅集中地。為咗改善當地嘅生活環境同服務體系，武漢市起咗一條長四百米，闊三十至五十米嘅法國風情街，集法式餐廳、時尚名牌於一身，兼且人工開挖咗六千平方米嘅「港灣」，用嚟泊埋架中世紀風格嘅海盜船㖭。