正喺上海舉行嘅「法國奢侈品展」陳列眾多世界時尚之都嘅頂級奢侈品，除咗香奈兒（Chanel）嗰棵鑲咗成一千五百五十粒鑽石嘅山茶樹之外，當然唔少得女士們最愛嘅高級內衣。法國精品企業聯盟預測，中國將在二○一一年前後成為世界第一大奢侈品消費國，一位法國企業代表表示，巴黎嘅經驗可以幫助上海成為「東方時尚之都」。