近排天氣涼浸浸，最好就係登高。新上映電影《飛吧！螢火蟲》講述教師帶同學生一齊養螢火蟲，生態旅遊領隊Charles話香港蟲類其實好豐富，要睇不如上山！事實上行山唔一定係大人的節目，小記今次就跟埋父子兵行山，加埋生態團新丁小妹妹同行。行山強身健體唔在講，既可親親大自然，更可真實體驗自然科學課！
記者：盧家蕙
攝影：譚盈傑（部份照片由Charles提供）
途經上窰文物館，Mark哥同三歲大嘅彤彤發現有隻褐色的蝴蝶，佢個身不斷轉來轉去，又唔飛走喎，好得意。
螢火蟲幼蟲
呢條蟲咁醜樣，竟然係螢火蟲的幼蟲。Charles：「螢火蟲居住喺原始森林或有水源、潮濕的地方，香港的大帽山、大埔滘、昂平都可以睇到。可惜只有在五至八月期間先有幸再見佢哋了。」
養蟲破壞生態
行山愛好者父子兵——爹地Charles（生態團領隊）加上兒子Mark哥，喺行山界出晒名。今次加埋Mark哥小表妹彤彤，於這次「西貢直升機行山樂」活動中，睇咗唔少姿態萬千的昆蟲，以及香港常見的花卉林木。讀萬卷書不如行萬里路，齋睇書本所記載的知識，遠不及你我親身去經歷、去感受般實在。對於日本電影《飛吧！螢火蟲》中教師帶領學生一齊詞養螢火蟲，Charles說素聞日本人喜愛詞養昆蟲，但在關懷生態角度看，對此卻不表贊同，他說：「日本人喜飼養昆蟲，在我來說，作為學術研究是無可厚非的，如果純粹出於個人私利，只想享受飼養昆蟲的樂趣而捕捉牠們，以人工繁殖的方式飼養，長大了卻不放回大自然，或不幸把牠們弄死了，這種無疑是破壞大自然生態的做法。」
出發前準備
1.事前要做足準備，熟悉行山路線，帶備足夠用水、乾糧、帽及蚊怕水
2.提醒小朋友切勿觸摸、嚇、捕捉、傷害昆蟲，特別是部份蟲類帶毒
3.出發前可先購買漁護處印製的香港昆蟲圖鑑，或到以下網站列印資料，到現場給小朋友作辨認
推介網站
磷翅目學會www.hkls.org
香港昆蟲網www.hkinsect.net
綠色廣場www.hk-green.com
香港睇蟲首選蝴蝶
Charles說：「昆蟲也好，植物也好，都是大自然所孕育的豐富產物。例如蝴蝶，香港的品種便遠比全英國還要多，連日本人都要遠赴香港來捕蝴蝶，便證明這裏的蝴蝶絕對有其存在價值。」
以下的昆蟲全都是Charles在行山過程中拍攝而來的，根據康文署記錄，香港蝴蝶品種多達235種，其中有部份是較罕見的，下次行山時，不妨多加留意這些雲裳佳麗有否在你身邊擦身而過。
Charles：「呢隻甘薯梳龜甲，我喺昂平拍攝得來，佢多數喺夏天出沒，揀啱季節就睇到。佢食葉的，也居住在葉片上，時會飛行，亞馬遜河有好多㗎！」
虎斑蝶
交配中的虎斑蝶，很常見，色彩豔麗，飛行緩慢，每年冬季，大量斑蝶會遷飛在本港樹林群集過冬，冬天的一代成蟲蝴蝶可生存超過五個月。
玳灰蝶
玳灰蝶唔常見的，六、七月當荔枝龍眼成熟時便可見，因為其幼蟲以荔枝龍眼為食物。雄蝶翅為鮮橙色，雌性則為深啡色。出現地點有林村、山寮、烏蛟騰、鳳園等。
擬旖斑蝶
最常見，翅上有藍色斑紋，翅脈黑色、啡色。
紅珠蝶喜滑翔
飛行緩慢，有鮮紅色腹部，捕食者似乎都不喜歡吃牠，可於城門水塘、鳳園、昂平見到其蹤影。
參加生態團
如果想自己帶小朋友行山睇蟲，Charles建議大家可以揀上窟家樂徑，係一條合家歡行山路線（在鑽石山地鐵站乘坐96R（只在假日行駛，於北潭涌下車），沿途都睇到唔少昆蟲㗎。但如果想Join埋Charles同Mark哥？11月嘅舉辦嘅生態團，有以下兩個選擇。
團一：直升機西貢生態團
出發日期：27/11/2005
大小同價：$638（包單程直升機，單程旅遊車、領隊、簡便午膳、飛行證書、精美紀念品、十萬元平安保險及1,000元醫療保險）
團二：大蠔灣生態團
緊貼潮流，旅行家精心設計適合一家大細的大蠔灣生態、迪欣湖趣味植物、青馬橋及迪士尼煙花消閒遊。
出發日期：5/11/2005
收費：成人$158，小童$138（包旅遊巴接送，保險、領隊、深井燒鵝晚膳、十萬元平安保險及1,000元意外醫療保險）
查詢電話：28365878
旅行家網頁：HKTraveler.com
《飛吧！螢火蟲》講乜？
新上映日本電影《飛吧！螢火蟲》中，講述老師三輪元派去保守落後的鄉村小學任教。上課被百厭學生搞到頭暈身熱，之後又被家長無理取鬧。三輪元老師沒有放棄，發起「螢火蟲飼養計劃」，師生合力飼養螢火蟲。
