九龍灣起緊個超巨商場Megabox，唔單止對附近舖市有刺激，中記話，對寫字樓都有幫助，最近有投資者，以八百六十六萬，買入其士商業中心（圖）低層相連單位，三千四百呎，呎價二千五，未幾又有用家以三百三十萬，買咗千一呎高層，三千蚊一呎。 嘉里發展企業廣場五期Megabox，佢哋諗住起條天橋，駁通地鐵站，重駁埋宏泰道幾個發展緊嘅項目，市場人士預期，會帶旺附近樓群，其士商業中心正係其中之一。