快相知多啲：白鴿籠閃兩下白光

好多車主成日問：「我見到有一下閃光，係唔係俾白鴿籠（固定式快相機）影咗相？會唔會影錯我？反偵察雷達器又係乜呢？」咁多問題，我哋一次過答晒。
記者：伍旋卓

路邊快相機係用KU或X頻率（約13.450GHz），半秒之內用兩次白色閃光拍下兩張超速車輛的相片，而相片會傳送到警方交通部，由有經驗的警官判斷哪部是超速車輛。相片上有齊雷達測速的資料，再經警員核實，所以不會有偏差。

■再用人手將第二張相片作比較，就可核實超速是否正確無誤。

■路邊的快相雷達用上數碼系統，可拍攝大量相片，而且會立刻傳回警方的控制中心。

■我哋研究過，部份歐洲車不適用這種反偵察雷達器，一旦將引擎踩上四、五千轉，部機就會儍咗咁叫。

■美國製嘅反偵察雷達器響香港使用，效果未如理想。

■長方形嘅係頻率探測器，另外一個係雷射光接收器。

反偵察器效果平平

市面上有很多所謂反偵察雷達器，聲稱可偵測出前方雷達快相機的位置。據我們試用所知，反偵察雷達器經常會有誤鳴，就是開啟城市模式，效果未如理想。對於雷測槍，則百分百有用，不過雷射槍可於半秒內測出車輛速度，當反偵察雷達器響警報時，根本沒有時間減慢車速。