各位餓波已久嘅NBA球迷，新球季喺下個月二號就開鑼喇！不過有個壞消息要通知大家──今季再冇免費NBA睇喇！因為絲帶台今年唔會再播NBA，所以如果屋企冇裝收費台或者寬頻台嘅話，要睇NBA直播比賽都幾麻煩。
我求大俠收到料話，原本絲帶台同NBA嘅轉播合約今年到期，之前都有傾過續約，不過絲帶台將大部份嘅財力同物力都放晒落足球方面，淨係歐冠盃嘅播映權肯定已經花咗唔少錢喇！所以就冇咁多「閒錢」去買NBA，結果傾唔掂數，最終損失都係我哋班NBA迷！
爭取轉播季後賽總決賽
之但係據絲帶台透露，佢哋重爭取緊季後賽同總決賽嘅轉播權，希望到四月可以再有免費NBA直播睇喇！