如果你作為室內設計師，當客人同你講：「無乜特別要求，你揸主意啦！」你會有乜反應呢？可能你會覺得：「正啊，成間屋任我玩！」但對住兩層連花園成3,000多呎的獨立屋，真係唔係講玩！好在室內設計師Eric遇上了對他極信任的客人，「連Presentation都係一Take過搞掂！」結果Eric以白色為主調，強調空間感，再在屋內撞上靚絕DesignerItem，格調高雅。
記者：鄺天樂
攝影：黃子偉
模特兒：Crystal@Salvodar
靚絕DesignerItem
白色增添空間感
屋主熱愛旅遊，於是，設計師Eric便從這點出發，全屋以白色為主。原來早在設計初期，Eric已聯想到愛旅遊的人都喜歡自由自在，空間感非常重要，白色為主便符合了這方面的要求。
由於不想在室內放置太多裝飾品及擺設，故他特別留意燈光運用。增設假天花可令層次感更強，燈光從天花反射落地面，效果柔和之餘，亦去除悶調。偌大的客廳，除了一盞Arco座地燈作點綴外，便找不到半件高身家具。通往花園的落地大窗，是客、飯廳唯一透進天然光的地方，為彌補天然光不足，設計師除了在天花加有石英燈外，在櫃底亦裝上地燈，配合反光度高的白色玻璃人造石，使飯廳潔淨得嚟層次十足。
客廳以白及鋼鏡為主，故客廳便採用了木及茶鏡拼合的牆身作點綴，同時亦中和了一屋白帶來的空洞感。Eric表示，樓梯是大屋獨有的空間，若梯底位置加點心思，其實可以「玩」得好靚，所以Eric拆掉了原本的儲物室，裝上大鏡及鋪滿石春。
名牌家具當裝飾品
設計師為使居室更添空間感，並沒有四周放置多餘的裝飾品，反而利用家具本身作裝飾，整間屋放滿了不同的DesignerFurniture，令居室簡單得嚟又富有格調，例如獨立屋一般樓底較高，飯廳用上意大利設計師GinoSarfatti的2097吊燈，為居室半空裝飾之餘，亦倍添優雅氣氛。
度假Feel泰式花園
花園是設計師與屋主另一不謀而合之作，花園融入了許多泰式Resort的元素，全因Eric覺得泰式Resort有種令人很輕鬆自在的感覺，怎料屋主本人亦十分享受泰式Resort給人Relax之感。
私人思考室
三面白牆，是特別為屋主設計的ThinkingRoom。屋主從事產品設計，這閣樓可說是為屋主度身而設。
天窗廚房用盡天然光
夜晚在特大天窗下的廚房內準備晚餐，都咪話唔浪漫！
單位資料
港島大坑嘉寧徑豪園
面積：兩層共3,500平方呎
全屋裝修連家具：約二百多萬
設計師：EricFung@TintInternationalLtd.（25735757）
