梁榮忠近年回巢無綫後鹹魚翻生，愛情事業兩得意。忠仔日前被指不惜一切狂𠝹女，還周旋在四女之間，連日分身與女友鍾麗淇晚膳、與港姐朱慧敏秘密交往、和朱凱婷前後腳返寓所、當柴可夫接送袁彌明，還因此被貫以「賤男」稱號。
袁彌明昨在電話中說：「嗰日我哋做完節目，收工咁啱都係去銅鑼灣，所以坐順風車，忠仔今日打電話畀我話唔好意思，不過形容佢『賤男』就慘啲，我都有send訊息叫佢保重。」問袁彌明會否避忌，她笑說：「唔會再坐佢車咯，原來佢車過咁多女仔，下次一定唔會上當。」
承認家中短敍
朱凱婷亦在電話中大方承認曾到忠仔家中短敍，與對方女友鍾麗淇更互相認識，朱凱婷說：「唯一一次去佢屋企就俾人影到，但同忠仔係傾吓偈，冇乜特別，近排佢咁hit，都係唔好約佢嘞。」
而梁榮忠昨日就透過助手表示暫時不回應有關報道，日內將會在公開場合才回應。