名模陳嘉容及Rosemary等昨日在君悅酒店示範名表，陳嘉容透露現有三部片約洽談中，包括武打片、歌舞片和飾演飛機師。工作排得密麻麻的陳嘉容表示忙度期，最快明年初才開拍電影。
名模陳嘉容、Rosemary及楊崢昨日在灣仔君悅酒店示範Concord腕表，其中Rosemary示範重十四卡、「Delirium」白金鑽石腕表，價值達四百二十萬元；陳嘉容示範的「DeliriumLady」白金鑽石腕表價值二百一十三萬元。
陳嘉容早前透露進軍電影界，昨日她說：「𠵱家有三部戲傾緊，角色都好唔同，一部係武打戲、一部係歌舞片，另一部就演飛機師，𠵱家重度緊期，因為我真係好忙，最快都要出年年頭先可以開拍。」
陳嘉容續說：「下個月會飛去東京同杜拜行騷，努力搵多啲真銀，彌補拍戲困身時接唔到其他工作嘅損失，呢排忙到見記者多過見男友Ricky。」
最叻煲雞湯
問陳嘉容拍戲有沒有勇氣嘗試演醜女角色，如林嘉欣在《怪物》中的造型？她說：「試吓都無妨㗎，反正做模特兒都靚咗咁耐，而且拍戲又唔係真嘅。」
提到禽流感再肆虐全球，陳嘉容說：「好在我一向少去公園同雀仔街，不過街市我一定照去，因為我鍾意下廚，冇雞湯飲真係唔得，自己揀嘅雞煲湯味道真係甜啲。」
腳趾尾重創
此外，昨日穿上露趾高跟鞋的楊崢被發現左腳腳趾尾泛黃，她解釋說：「我呢隻腳趾尾真係連環重創，兩次撞埋去梳化腳，最近又撞埋石，終於去睇跌打，醫師話我係骨膜炎，手尾都幾長，啲朋友重笑我，話我應該着啲建築工人着嘅鐵片鞋護腳。」
採訪：DebbieLum
攝影：ChenWaiOn
