張婆婆半生坎坷，這幾年間，她先後喪夫喪子，媳婦亦走了，為了八歲孫兒偉仔，她積極活下去。張婆婆現時獨力照顧偉仔，兩人共用一份綜援金，由於不敷開支，嫲嫲平日要拾荒幫補家計。不過，嫲嫲最近受傷了，暫時無法「工作」，說到當前生活，她擔心得哭起來。
每天弄過晚飯給偉仔後，張婆婆便獨自外出，開始她一晚辛勞「工作」。行動由大廈四十樓開始，張婆婆沿樓梯拾級而下，逐層逐層搜尋「寶物」，收穫當中，大多數是一些舊報紙、紙皮和飲品罐，運氣好的話，可能會有一件半件舊家具。
五年來，張婆婆為了這些只值十元八塊東西流過不少汗水，還弄得滿身傷痕。
搬舊梳化致扭傷腰骨
「我兩邊膊頭、膝頭哥都好痛，醫生話係勞損，早幾日，我因為搬張舊梳化，扭傷條腰骨，𠵱家敷住膏布，其實我都唔想咁辛苦，但唔做又唔夠食。」張婆婆淚眼汪汪說。
年近六旬的張婆婆，育有一子一女，惟於九六年底，當年只有十九歲的長子，在廣州遇上車禍昏迷，其患有心臟病丈夫因為不堪刺激，健康急轉直下，在九八年突然辭世，翌年，張婆婆長子亦告不治。
雖然已經事隔幾年，但每次說起這段傷心往事，張婆婆也淚如泉湧。
「當時如果唔係想到個孫，唔想佢變孤兒，我早就……」
偉仔是張婆婆的兒子與其大陸媳婦在內地所生，其子出事後，媳婦便不知所終，留下當時剛出世的偉仔。自○○年開始，無依無靠的偉仔便持「行街紙」留在張婆婆身邊，及至最近他才正式獲發單程證居港。
張婆婆早年在麵包店工作，但因為年事漸高，加上要照顧孫兒，近年靠綜援金過活；因偉仔過去一直未獲居留，而張婆婆幼女亦有家室，自顧不暇，兩婆孫多年來只能共用一份綜援金，生活坎坷。
「我兩婆孫呢幾年都過得好苦，以前孫仔未係香港人，有病痛睇政府醫生要五百幾蚊，我冇錢，惟有將醫生畀我嘅藥減半份量畀佢食；咁多年嚟，我都冇買過一件新衫、一件玩具畀個孫，但好彩佢好乖、好生性，好體諒我呢個嫲嫲。」張婆婆說。
孫：盼做律師養嫲嫲
偉仔現時就讀三年級，訪問期間，他一直靜靜地坐在一旁做功課。
記者問偉仔，長大後想做甚麼？他不假思索回答：「我想做律師。」
當記者進一步追問時，乖巧的偉仔才解釋︰「做律師可以賺好多錢，我想賺多啲錢養嫲嫲。」
蘋果日報慈善基金施援手
張婆婆近日已替偉仔向社會福利署申領綜援金，由於審批需時，加上她最近身體不適，未能拾荒幫補生活。蘋果日報慈善基金有見及此，撥款六千元，援助兩婆孫。
捐款編號︰C1831
暖流熱線
電話：29908688
傳真：23702192
電郵：[email protected]
網址： http://www.charity.atnext.com