李逸朗（Don）、蔣雅文（Mandy）及郭芯其等，前晚以校服Look出席網劇《心跳季節》的首映禮，大玩校服誘惑。其中Don和Mandy還分別自爆讀書時的往事，Don自稱曾與童黨為伍，而Mandy則曾結交黑社會大佬，兩個實行鬥百厭。
由遊戲機PSP生產商邀請李力持執導的網劇《心跳季節》，前晚於銅鑼灣時代廣場舉行首映禮，有份參演此劇的一眾年輕歌手包括李逸朗、蔣雅文、郭芯其及組合赤子等均有出席，還齊齊穿上校服到場，不過身穿短裙的郭芯其頻頻走光而不自知，至於Don則梳了個「蛋撻頭」到場，他說：「我用咗成個鐘整呢個頭，自己一把年紀重扮學生，所以我整呢個懷舊look。」
以毒攻毒
首映禮上，大會安排Mandy等女主角用布蒙眼，在眾男生中摸出各單元的男主角，鬼馬的Don特地戴上膠假髮以圖蒙騙Mandy，不過Mandy原來一早識破他的詭計，故意在「摸索」期間搣他的面頰及扭他的耳朵，十分搞笑。
重提讀書時的往事，Don表示他以前放學後很喜歡四圍蒲，結果母親要向訓導主任投訴。他說：「後嚟訓導主任畀我做糾察，負責守交通安全，重要留到最後一個放學，都冇得去玩啦！呢個方法都算係以毒攻毒。」他還自爆讀小六時曾與坪石邨的童黨為伍，更牽涉入一宗童黨打架事件，被警察和老師緝拿。Don說：「其實我冇份打交，結果有份打交啲學生要停課，媽咪知道呢件事之後即刻唔做嘢，每日接送我返學放學。」
周身紋身
Mandy前晚穿上小學的夏季校服裙到場，她更自爆曾有一段不平凡的初戀，她說：「我哋冇拖過手，但好鍾意成日見到對方嘅感覺。後來我中四撞番嗰個男仔，佢周身紋身，重話我知加入咗黑社會、做埋大佬㖭！唔知係咪當年冇睇住佢，所以佢變到咁壞。」
採訪：李珮洳 攝影：何國豪
