李嘉欣昨日出席活動時談及梁詠琪和陳慧琳先後被人闖入酒店房間滋擾，她透露曾在內地被小影迷闖入房間，起床後發現小妹妹坐在房間裏，嚇到她驚惶失措。
李嘉欣應香港國際機場之邀，為「第四屆優質顧客服務頒獎典禮」擔任頒獎嘉賓，昨日她到赤鱲角機場頒獎時，讚揚香港機場服務人員的服務很有質素，並謂從未試過在港機場受過不禮貌對待，反而在外地乘搭航機時，在機艙內遇過外籍空姐的不禮貌對待，令其情緒大受影響。
酒店即道歉
談到梁詠琪和陳慧琳在內地被人闖入酒店房間滋擾，問李嘉欣有否遇過同類事件？她說：「有次去內地做嘢，瞓醒覺時，發現有個小妹妹坐喺我間房度，當時佢係背住我坐，都唔知佢係人定係嗰啲嘢，我真係好驚，所以我觀察咗一輪都唔敢起身，直到我知道佢係人，我就問佢點會入到嚟，原來佢係酒店員工嘅親戚，後來我同酒店投訴，酒店方面都同我道歉，不過我就唔係咁開心，因呢啲事係唔應該發生嘅，所以我覺得Kelly（陳慧琳）係啱嘅，將啲內衣褲鎖喺（行李篋）入面。」
嘉欣近年電影產量減少了，但卻不斷拍廣告，最近其廣告酬金更增加，嘉欣說：「我真係好開心，希望廣告酬金可以一路加落去，咁我就可以有更加多嘅收入。」
