長毛梁國雄入咗立法會成年，論聲勢當然冇初時咁勁，不過仍然係閃光燈焦點，一舉一動重有唔少人關心。城大社工課程噚日邀請長毛同班副學士分享搞街頭運動同從政嘅心路歷程，有成百幾個學生出席聽長毛講嘢，場面頗為墟冚。學生對長毛嘅認識，似乎主要嚟自傳媒報道，所以好有興趣知道長毛做每一件事背後嘅思維，聽完呢一課之後，應該知道長毛唔係只係識嗌口號同衝鐵馬。
長毛同學生傾完偈，匆匆走到城大連接又一城嘅行人隧道派傳單，呼籲市民參加十月三十號舉行嘅要求○七?○八普選集會同十二月四號舉行嘅爭取普選大遊行。佢話市民反應唔錯，但抱怨民陣宣傳唔夠落力，希望民主派加多把勁。
爆料熱線：29290000、27860099
報料傳真：26239278
報料電郵：[email protected]