顧嘉煇因病辭演十二月舉行的「金曲情牽半世紀」演唱會，之前煇哥表示病情要保密，昨日他在醫院做身體檢查，即日已可出院。記者聯絡上身在溫哥華的煇哥，他說：「照咗大腸內窺鏡，出咗報告冇事，醫生話我只係生蛇。」
明年開畫展
記者問煇哥為何辭演演唱會，他說：「因為醫生話我重有幾個月會痛，而且呢個病同壓力大有關，會影響病情。我原本唔想講病情，唔想大家擔心，但估唔到唔講更加嚴重，所以同大家交代番。」問煇哥可會返港看演唱會，他說：「我會返嚟同佢哋打氣。」
顧嘉煇講述病由，他說︰「我一個月前返香港，之後再返加拿大就發現成日全身抽住痛，最初檢查醫生都唔知咩事，後來又再痛，跟住再檢先發現係帶狀疱疹（俗稱生蛇），因為免疫系統出現毛病，醫生話我唔可以操勞。」
而顧嘉煇昨日接受商台訪問時，表示最近還在學油畫，明年更會聯同其姊顧媚在香港一同舉行畫展。
採訪：戴彩煥