梁靖琪（Toby）昨日在尖沙嘴，以代言人身份出席一美容店開幕禮，席間她脫去小腰封，展示秘密瘦身的成果，其母、胞姊和她的組合女生宿舍成員Bella和Macy也去到撐場支持。
父母過目纖體相
Toby雖滿意瘦身成績，但也想縮細上圍，她說：「我𠵱家減咗五、六磅，得番九十幾磅，但唔知有冇辦法可以令上圍細啲，細兩吋就可以，因為𠵱家瘦咗，想個身形平均啲。」
而Toby為美容店拍了數輯廣告相，但要經父親過目才可以刊登，Toby說：「啲相媽咪同爹哋都睇咗，爹哋好煩㗎，着短裙都會問，試過着泳衣出嚟，佢嘅朋友話過我身材，佢覺得好尷尬，就算同我去游水都覺得尷尬，佢想我着一件頭嗰啲。合約都寫明影性感相要畀父母睇咗先，我都覺得OK嘅，因為有時我都唔想影。」此外，Toby否認有報道指她拍攝專訪相時，被人抽水。
採訪、攝影：王連連