張錦成辭任美聯副主席，公司噚日歡送，主席黃建業送座金船，祝佢一帆風順，再送錫碟，刻上「審度得當，全力以赴」。一班高層，知佢愛車，所以送上跑車──模型。
張錦成話，雖然冇做副主席，但仍任顧問，所以其實冇離開呢行。
歡送宴上原來有嘢公布，美聯成立顧問團，成員四個，除咗做開嘅黃錦康，加入證券界嘅區燊耀及律師界嘅簡松年，同埋張錦成。區燊耀強項係政商界公共關係，簡松年當然係熟法律界啦，黃錦康會主攻市場管理，至於張錦成，會就前線銷售提供意見。美聯董事謝梓旻擔任秘書長。
黃主席話，公司規模日益壯大，要集思廣益，制訂未來十年發展藍圖。佢透露，呢個構思籌備咗半年。不過，顧問團所提意見，最終仍要董事局決定係咪採納。
電郵地址：[email protected]