梁詠琪（GiGi）、楊千嬅和陳慧琳等前晚擔任《2005年TVB8全球華人新秀歌唱大賽》評判，十九位參賽者的水準平均，令到評判大感頭痛，結果由十九歲來自上海的9號劉維以一招跪地冧GiGi勝出，劉維更在台上公然和GiGi耳語，獲GiGi大讚有創意。
梁詠琪、楊千嬅、鄭中基、薛凱琪、陳慧琳、李玟、張敬軒和顏福偉前晚到將軍澳電視廣播城擔任《2005年TVB8全球華人新秀歌唱大賽》評判，李玟和男友Bruce的家人亦有到場支持。
「好得人歡喜」
前晚十九位參賽者的水準十分平均，令一眾評判大感頭痛，不過十九歲來自上海的9號劉維就憑着一招跪地冧GiGi成功突圍而出，最後更成為冠軍。前晚劉維和3號曾國輝在台上與GiGi合唱《流言》，劉維突然跪在台上，即時令到GiGi的fans起哄。及後，當張敬軒在台上表演時，劉維又公然和GiGi耳語，就連GiGi也承認對他印象深刻說：「佢真係好得人歡喜，佢突然跪低好有創意，我都加分唔少。」
以Rain為目標
而楊千嬅和舊愛鄭中基前晚亦有同台訪問參賽者，現場所派發的場刊內有千嬅參加新秀時的舊照，千嬅看罷即說：「睇完啲相，我驚人哋話我整容，自己睇到都覺得好好笑。」
至於冠軍劉維就自稱於瀋陽音樂學院表演系就讀大學二年級，他坦言以韓國小天王Rain為目標，早前Rain來港他更有幸和對方傾偈及拍照留念，令他十分開心。
採訪：卓美娟
攝影：何榮亮
