官恩娜（Ella）昨日以一身魔鬼打扮，於尖沙嘴出席「康和堂纖體美容中心代言人」記者會，雙方續約兩年。Ella表示非常滿意酬金，還笑言今年會更加努力，除接受纖體療程外，更將配合針灸，實行雙管齊下，瘦身之餘亦能豐胸。
Ella說：「針灸係針喺肥嘅地方，我都想個胸豐滿啲。針灸過程唔會尷尬，係女師傅幫我，而且之前一年都係佢幫我針開，我好怕畀陌生人掂我。」
着比堅尼影寫真
Ella透露她目前體重約一百一十磅，瘦身目標是多減十磅，她說：「三圍數字我就唔想講，我希望可以擁有36、24、36魔鬼身材，𠵱家就太失禮，不過距離目標亦唔係太遠。」問她是否只欠上圍未達到要求，Ella即笑道：「點只上圍，四圍都爭！我要戒晒所有零食，我好鍾意食薯片，一口氣可以食三大包，戒食之後要再搵其他減壓方法。如果減肥成功，我唔介意着比堅尼影寫真！」
採訪：魯萍 攝影：陳志嵐
