蔡卓妍（阿Sa）與謝霆鋒主演的電影《情癲大聖》將於聖誕檔期上映，力撼《哈利波特：火盃的考驗》。為迎戰哈仔，阿Sa與霆鋒勤練功夫，以應付大量動作場面，其中阿Sa每日除了用九小時化妝外，開工之餘還得練功學踢腿、拉筋和紮馬等，果然進步神速，連武指元奎亦大讚她有學武天份。
由劉鎮偉導演、蔡卓妍（阿Sa）與謝霆鋒主演的電影《情癲大聖》，安排在聖誕檔期上映，同期對手是《哈利波特：火盃的考驗》。面對強敵，自然對《情》片一眾演員構成一定壓力，女主角阿Sa今次演出亦博到盡，除了有「豬扒女」扮相外，還得應付不少武打場面。
日練兩小時
元奎擔任《情》片的動作指導，要求極高。開工期間，只要不用埋位，元奎便會捉住阿Sa練功，故在其悉心訓練下，阿Sa即變身成打女，但亦因此吃盡苦頭。阿Sa說：「我拍《情癲大聖》，每日都要化豬扒裝，一化就化足九個鐘，身心都好攰，但我都冇放棄動作訓練，落裝之後每日重用兩個幾鐘頭學踢腿、拉筋同紮馬。元奎見我咁辛苦，都唔忍心，問我頂得住冇，我都死忍！」
盡學南北派
幸而阿Sa苦練多日，終有所成，她說：「我訓練咗個幾月之後，終於可以將腳踢過頭頂，連元奎見到都拍手掌讚我好勁，真係好開心。」元奎亦大讚謂：「我一向都覺得阿Sa好有專業精神，以前拍《千機變》合作過，已經知道佢好有動作天份，所以今次合作自然更加有默契。」
至於霆鋒的表現，元奎亦讚不絕口，他說：「霆鋒喺戲裏面飾演唐僧，有一段戲講佢要耍棍，重要耍到天花龍鳳咁，於是由接拍呢部戲嗰日開始，佢每日都用一個鐘頭上棍術堂，我同電影公司搵咗南拳北派高手輪流教佢耍棍，見佢打得有板有眼，我都好安慰。」
