亞洲人都係鍾意儲cash（現金）多啲，富豪都唔例外。波士頓諮詢集團近日發表嘅○五年資產管理報告就話，亞洲有錢佬嘅金融資產裏面，超過五成六都係現金，股票就只得兩成六；北美富豪就啱啱相反，愛股票唔愛現金，差不多擺了一半財產喺股票上面，現金不過得兩成。歐洲富豪亦係偏重股票，但中南美人就喜歡債券多一點。