歌手陳慧琳（Kelly）前晚到將軍澳電視廣播城擔任新秀評判，她稍後將到無錫開演唱會。對於日前梁詠琪在北京工作時酒店房間被搜掠，Kelly認為此事相當恐怖，並覺得缺乏安全感。
為免成為搜掠目標，Kelly不惜自爆說：「我錢就冇，啲首飾重要係朱義盛，內膽（指內衣褲）都會着晒喺身上㗎，出去時我重會將睡衣同內衣鎖喺喼內。」
「內地投訴冇用」
原來Kelly曾經在內地酒店被人潛入房間偷穿其睡衣，令她留下陰影，她說：「嗰次我返房之後聞到件睡衣有臭味，我就知有人着過我件衫。亦都試過有人走入我間房攞簽名，好彩對方係女仔，但係都嚇到我死，不過喺內地投訴都冇用啦。」
