鄭融和何韻詩前晚在旺角砵蘭街演出，何韻詩負責打頭陣和壓軸演出，但卻不及性感的鄭融搶鏡。鄭融穿透視紅裙赤腳跳舞，歌迷叫囂不停，現場更被歌迷擠得水洩不通。
鄭融、何韻詩和謝安琪等前晚在旺角演出「LoveMusic@砵蘭街巡迴路演」，大會安排封了一段砵蘭街演出，街頭和街尾都有警察駐守，現場吸引了不少年輕人來欣賞。
練舞腰骨痛
何韻詩負責打頭陣和壓軸演出，擅搞氣氛的她更化身成美麗的蝴蝶，不時示意觀眾揮手、拍掌和跳舞，不過可能她的打扮較為密實，歌迷的視線轉移到穿上性感紅裙的鄭融身上，當她赤腳演繹歌曲《成人對待》時，歌迷更是叫囂不停，看得十分投入。
鄭融事後接受訪問時說：「其實跳舞老師打扮重性感過我，為咗跳舞都苦練咗好耐，跳到腰痠背痛，總算成功。我未嚟之前重以為會喺黃色招牌下演出，將來我都想搞小型音樂會，可以喺一啲冇咁正統嘅地方搞，例如泳池邊，觀眾可以一邊游水一邊聽歌，我會唔會着泳衣演出就要睇情況。」
對於演出場地附近有黃色招牌，何韻詩說：「我頭先坐車嚟見到有一個寫上『神秘刺激』嘅招牌，等我派助手探秘一吓先。」
怒目瞪飛仔
何韻詩表示曾住在旺角，有時亦在街上閒逛，何韻詩說：「都有見到啲阿叔，但佢哋同我講話唔好阻住佢哋睇靚女。」她又表示入行不久，亦曾去機舖打機，卻被飛仔認出，何韻詩說：「佢哋都有『撩』我，話我係新人『何韻詩』，咁我咪目露兇光望番佢哋，當時真係唔識死，𠵱家人大咗就收晒火，重會加一句『你食咗飯未』。」
採訪：馬建華 攝影：陳慧安
