喺中國，專供企業主管進修，號稱全國最貴嘅長江商學院嘅EMBA課程，學費要二十八萬八千元人民幣。院長項兵話，全個課程共二十個月，每個月上四日堂。點解學費咁貴？原來聘請嘅老師大部份都係全球知名教授，外國一流大學嘅一流教授上一日堂，報酬由兩千至五千美元不等；而國產明星級教授上堂一日嘅費用，亦突破了八千元人民幣。