利嘉閣進軍澳門已經有半年，日前，利嘉閣執行董事廖偉強，親赴澳門，出席當地嘅首次月會。 佢話，澳門地產市場發展潛力龐大，相信吸引更多香港代理過大海進駐，預料同行以高薪招攬人才，於是無可避免會掀起挖角潮。 不過，廖偉強大派定心丸畀利嘉閣上下員工，佢話，公司喺澳門嘅業務已經打下一定基礎，只要肯繼續努力，就可以將「唔可能」變為「可能」。