致力鞏固香港國際金融中心地位嘅煲呔，早前話新任律政司司長印證咗香港人才輩出，咁花旗集團聯袂科大，大手筆咁贊助嘅第三屆花旗國際案例分析比賽，亦印證咗培育金融專才嘅重要。
據聞，今年參賽者來自十九間大學，當中不乏著名學府精英，例如加州大學栢克萊學院、南加州大學、中國嘅清華同復旦大學，本港代表係科技大學，名副其實人才薈萃。
每間大學派出四名學生一名教授參加，花旗包晒佢哋喺香港食宿費用，安排去銀行視察，並由大中華區企業及投行總裁陳子政等高層接待，花旗呢鋪都算唔話得。今晚假會展設開幕晚宴，馬仔亨獲邀主講，啲大學生就會着晒民族服裝先表演一番。呢個比賽係好專業嘅金融財務分析比拼，大會選定一間香港大型企業，讓參賽者分析其成功卓越之處，並作出滙報，去年香港代表科大都唔輸蝕，勇奪其中一個優異獎。
爆料熱線：29290000、27860099
報料傳真：26239278
報料電郵：[email protected]