每年一到萬聖節，人人都可以擺明車馬咁扮鬼扮馬，但年年唔係扮吸血鬼同殭屍，就係科學怪人，真係未嚇死人先悶死自己！所以今年一於齊齊唔扮魔鬼妖怪，轉型扮吓野人猛獸。想一家大細扮野人又得，想自己型爆？過皇帝癮都得，真係你諗得出嘅裝扮都有啊！
記者：鄺天樂
攝影：林栢鈞
Models：Doby、Jerry、嘉明@Salvodar
OnJerry：豹紋男裝 $110、骨頭頭飾$8、斧頭$10（b）
OnDoby：豹紋女裝$110（b）
On嘉明：豹紋童裝$69、骷髏骨頭頸鏈$20、發聲骷髏骨頭火炬$45（b）
全家扮野人家族Warm爆！
唔少人拍拖時都着過情侶裝，誓將戀愛幸福向全世界宣揚。同樣道理，如果有個五星級溫暖的家，梗係要將家庭溫暖Show俾人睇啦。着套豹紋衫扮野人家族，實行Warm爆兼型爆！
紅番型男
萬聖節森林有野人，當然唔少得有紅番份啦。一身獸皮衫褲，再襯多個彩爆燈羽毛頭，不論Party個場有幾黑，都一定搶到收視。
紅番套裝$130（另有女裝）、羽毛頭飾$45、
骷髏骨頭手杖$10（allb）
埃及法老王上身
當人人扮獄卒冤鬼時，以一身埃及法老王裝扮示人，搶盡鏡之餘重地位都超然尊貴過人。化個濃豔彩裝扮埃及妖后，必定冇嘩鬼敢走埋你身！
法老王裝$110（另有男裝）、
骷髏骨頭手杖$10（allb）
性感蝙蝠女
嫌扮埃及女王衫太保守？咁一於着起套蝙蝠女衫，仿皮綁帶背心仔襯波浪腳超短裙，再戴埋個神秘貓面具，必定成為眾人嘅SexyBaby！
蝙蝠女套裝$120、黑色半臉面具$13（allb）
經典紅魔鬼
你話自你話自己係保守派，驚以上造型太突出？不妨考慮吓呢套紅魔鬼衫。血紅色再加金腰帶，適合冇乜哈囉喂大派對經驗的朋友。己係保守派，驚以上造型太突出？不妨考慮吓呢套紅魔鬼衫。血紅色再加金腰帶，適合冇乜哈囉喂大派對經驗的朋友。
紅魔鬼套裝連頭飾$139.9（a）
小朋友變身救地球
唔少細路仔都發夢想做超人，保衞地球，萬聖節就係他們夢想成真的時候喇。一身肌肉的蝙蝠俠裝，着上身後如果唔睇齋用手摸的話，肯定會以為大隻佬上身！
蜘蛛俠連身衫$199.9（a）
蜘蛛俠面具$69.9（a）
森林小精靈
潮流興講環保，一於做番個森林小精靈保護樹林啦。成套衫由頭至腳，連帽連鞋套，唔使媽咪操心配襯之餘，着起重成個醒目晒！
森林小精靈套裝
$119.9（a）、紅綠色大刀手杖$10（b）
Cute火豔仔
大部份鬼馬衫褲的穿着十分不便，小朋友去洗手間時要連上身都除埋，真係煩！呢套火豔仔Cute得來又方便，連媽咪都一定玩得開心過人！
火豔仔套裝連頭飾$69.9（a）
動物新世代
除了扮精靈外，小朋友另一熱門之選就係扮動物。呢套蟹蟹衫有箝又有爪，着起像真度簡直係99.9%！唔想咁霸道扮蟹打橫行？重有企鵝、大笨象、海龜等等任你揀！
蟹仔衫$88（b）
煙鏟骷髏骨頭
吸煙危害健康就人人都知，但都唔明點解重有咁多人抽煙自掘墳墓。一於戴住呢個不時會自己擘大個口食煙骷髏骨頭面具，去嚇吓煙民一族！
吸煙骷髏骨頭面具$69（b）
兇狠南瓜人
呢個牛咁眼嘅南瓜面具，真係超兇狠。牛咁大隻眼重加埋個爛嘴，戴咗分分鐘嚇壞細路！
南瓜面具$39（b）
極速變身有辦法
想輕輕鬆鬆玩一晚，但又唔想勞師動眾？假髮面具就啱晒你要求。呢兩個軟膠假髮，藍色春麗頭同黃色悟空頭型爆之餘，質地重勁有彈性，大頭一族都戴得落，配埋盞鬼面具，唔使一分鐘就大變身，掂！
軟膠假髮$99.9/個（a）、半臉面具$15/個（b）
售賣點：
（a）玩具反斗城（29916222）尖沙嘴海運大廈地下OTG23號舖
（b）生意滔（34223101）旺角洗衣街127C地舖