顧嘉煇去年因好友黃霑病逝大受打擊，將原定今年二月舉行的入行五十周年演唱會「金曲情牽半世紀」延至十二月舉行，但當演唱會一切就緒之際，煇哥突然因健康出現問題而辭演，他在電話中承認辭演一事，並表示未來三個月不可做任何事。
現年七十三歲的香港著名作曲家顧嘉煇，原定今年十二月十一日至十六日在紅館舉行「金曲情牽半世紀」演唱會，紀念煇哥入行五十周年，演出歌手包括鄭少秋、汪明荃、關菊英、凌波、葉麗儀、葉振棠、張德蘭、仙杜拉、陳潔靈和黃耀明等。上月煇哥更專程由加拿大溫哥華返港，為演唱會拍攝海報，順道到大澳四處遊玩。
避免操勞
被醫生勒令停工
正當演唱會籌備得如火如荼之際，本報得悉煇哥因為健康出現問題而辭演，由於演唱會場地租金、表演嘉賓甚至宣傳海報全都準備就緒，煇哥突然因病辭演，其病情想必十分嚴重。
記者前晚致電身在溫哥華的煇哥了解時，他親口承認健康出現問題，但卻拒絕透露病情。煇哥在電話中說：「乜嘢病我真係唔方便講，總之未來呢三個月我唔可以做任何嘢，我二十四號（即今日）就會入醫院做詳細檢查，醫生話就算報告出咗嚟冇乜大礙，都唔可以操勞，所以我通知咗主辦單位，話我做唔到十二月個演唱會！」
多番延遲
霑叔逝世打擊大
事實上，煇哥這個紀念演唱會可謂一波三折，原本定於今年二月舉行，當時演出嘉賓還有煇哥音樂上的金牌拍檔黃霑，可惜霑叔去年十一月逝世，令煇哥大受打擊，即時取消二月份的演唱會，煇哥心情平復後，才決定於今年十二月舉行；想不到現時煇哥又因健康出現問題而辭演，令他大感無奈。
煇哥歎說：「我知道大家擺咗好多心機落今次演唱會度，十個歌手度到個期一齊演出，實在好難得，我唔想因為我而影響大局，我自己做唔到啫，我都好想佢哋可以繼續做落去！其實我自己上到台都冇乜嘢做，都係喺台上邊指吓指吓，以前就話有黃霑同我一齊喺台上講吓笑，但黃霑𠵱家都唔喺度。」說罷煇哥以休息為由掛上電話。
一切就緒
換形式繼續演出
原本無綫亦有份投資煇哥今次的演唱會，對於他因病辭演的消息，無綫製作資源部副總監樂易玲及綜藝科製作主任何小慧均感到可惜，何小慧說：「我哋一早幫煇哥影晒海報，rundown亦排好咗，煇哥做唔到當然好失望，但煇哥健康更為重要！」
煇哥雖然因病辭演，但卻希望演唱會可以繼續以他的名義舉行，對此主辦單位恒藝亞洲負責人丘亞葵說：「上星期我接到煇哥電話，佢話最近健康狀況突然起變化，但係乜嘢病，煇哥話唔方便講，總之醫生要佢好好休息，停晒手頭上所有工作。其實煇哥知道大家擺咗好多心機去籌備，最難得係一班歌手一呼百應度晒期演出，所以好想演出，我哋考慮緊換另一個形式去做。」
採訪：戴彩煥
