重以為啱啱病好，老闆會醒啲好嘢畀我乘機唞吓，誰不知佢又將一個瑞士手表嘅PromotionPlan交畀我做，重要限定月底前起貨，收買人命咩！累我星期五六日都要喺公司嗌外賣，好彩為食Joe主動幫我，不過日日都係麥當勞，我終於忍唔住開聲：「你係咪想我變《不瘦降之謎》個男主角咁樣呀？」
鬼佬Francis即時踢爆佢：「佢女友Minnie下個月生日，麥當勞有個『音樂國度』推廣活動，買套餐或烤餅套餐會隨時中iPodNano，佢咪搏命食博中獎囉！」個衰仔尷尬講：「我諗住中咗部iPodNano就送畀佢，如果中咗MotorolaROKRE1手提電話就自己用，點知每次只係揭得汽水同薯條！……最多中咗『麥當勞世界兒童日音樂會』飛或者陳奕迅限量版精品就送畀你啦！」都算佢有啲人性。推廣期：現在至11月16日 （三）