梁詠琪（GiGi）昨日出席活動時提到日前在北京工作，回酒店房間時目睹一男一女由她的房間步出，GiGi表示公安掌握重要線索，緝拿兩男女，她聲言最擔心睡夢中有人闖入，被窺全相。
梁詠琪昨日以聯合國兒童基金香港委員會大使身份，與二十名義工fans，在跑馬地聯合國兒童基金會點算百萬元善款。GiGi表示由於點算需時，有關方面亦需要大量義工，所以有空便會幫手，其母亦經常到該會做義工。
冒充助手取匙
GiGi日前在北京出席品牌Ferragamo時裝騷，返酒店房間時，竟發現一男一女由她的房間步出，嚇得她花容失色。GiGi昨日被問起此事時仍猶有餘悸地說：「酒店同Ferragamo都同我講話覺得抱歉，叫我放心畀佢哋處理，我哋已經即時報警，嗰邊公安話翻查錄影帶後有線索，酒店就話嗰一男一女係冒充助手攞我房鎖匙。」
即時通知男友
GiGi表示事件發生後已即時致電男友鄭伊健，伊健亦大表震驚，GiGi說：「佢安慰我話最緊要個人冇事。我都覺得件事係一個警惕，其他藝人都要小心啲。我下次都可能會同助手交換房住，最驚係瞓瞓吓入嚟咪乜都俾人睇晒，我同助手講，係咪要考慮吓一齊去上啲危機處理課程呢？」
採訪：卓美娟 攝影：何國豪
