菜肉魚之大閘蟹扺食套餐：<br>清酒雲煙蒸大閘蟹浸住食

菜肉魚之大閘蟹扺食套餐：
清酒雲煙蒸大閘蟹浸住食

吃一隻大閘蟹，由幾十蚊到百幾蚊都有，但這個價錢，原來除了主角，還有其他配角登場，而且個個份量十足，有蟹有魚翅有小籠包，就只怕你個肚裝唔落！愛吃蟹的情侶檔李逸朗（Don）和蔣雅文（Mandy）都話幫大家精選幾間，睇吓佢哋又點揀！
記者：黃潔蓮
攝影：周旭文、譚盈傑、黃潔蓮
服裝：A/T（Mandy）、Energie（Don）
髮型：ChinG

食家唯靈話：

食大閘蟹宴，最好先吃蟹粉小籠包開開胃，之後最多吃一款蟹粉餸菜就最恰當。佢最鍾意嘅係蟹粉炒蝦仁，其次蟹粉配豆腐或魚翅都唔錯，因本身味淡又軟身，配味濃的蟹粉才能將鮮味帶出。

日式四味　蒸煮炒任揀

香桃這個大閘蟹餐除傳統以紫蘇葉清蒸外，你還可選擇鮮紫蘇葉薑葱炒、日式清酒雲煙蒸和鰹魚花湯煮，其他Crossover還有和牛舌配當歸、松茸配魚翅等。老闆Tony曾在大阪五星級酒店RitzCarlton中菜廳擔任總廚，所以今次他亦以懷石料理的特色（菜式多份量少）炮製這個大閘蟹餐。

■近千元一張的餐椅、薄窗紗，營造如酒店般舒適氣氛。

和風大閘蟹套餐
每位$288（兩位起）

~當歸和牛舌拼盤~
~紅燒松茸海鮮翅~
~懷石龍鬚松葉蟹爪~
~江蘇大閘蟹（任選其一）~
清酒雲煙蒸、日式鰹魚花湯煮、紫蘇蒸、鮮紫蘇薑葱炒
~鰹魚紅燒鮑魚菇青梗菜~
~蟹粉小籠包2隻~
~日本南瓜返沙露~

■老闆Tony有30年入廚經驗，鎮店的鰹魚湯由他親自調製。

前菜三小碟

1﹒當歸和牛舌拼盤：牛舌與當歸一同燜煮，可去除羶味。一條牛舌去除頭尾及上下的韌肉，只剩中央3嫩肉。

2﹒紅燒松茸海鮮翅：松茸切碎粒，其獨特香味是整個湯的精華，散翅、帶子碎已淪為配角。

3﹒懷石龍鬚松葉蟹爪：龍鬚以麵糰邊拉邊撻，又薄又扁，炸起來才會將蟹肉捲實而且更鬆脆。

清酒雲煙蒸：

蟹先蒸至半熟，注入1份蛋白溝3份清酒及大閘蟹汁拌勻，將蟹拆開，再在上面撒上松葉蟹肉，再蒸至蛋白熟透。蛋白有如豆腐般嫩滑。

日式鰹魚花湯煮：

鰹魚湯汁滲進蟹肉中，原個煲仔上，慢慢吃不怕蟹肉變凍。

蟹粉先用薑葱炒再用鰹魚湯燴！

香桃
（21100363）
地址：灣仔駱克道126-128號１樓及2樓
時間：11:45am-12:00mn（星期日5:00pm開始營業）
收費：每位$288，另收加一

$148六道菜　碰碰明星緣

雪園世家是雪園飯店的年輕版，首次推出的大閘蟹餐只賣$148，有魚翅、蟹粉小籠包、大閘蟹食，加埋頭盤、麵食、甜品共六道菜。散叫原盅雲吞雞燉翅已$120，食埋隻蟹（散叫$68）已經有賺。加上商場常有大型活動，今屆港姐冠亞季軍、錢嘉樂等明星名人時有光顧，要撞明星就最好周末日去碰運氣。

■足4両的江蘇大閘蟹，蟹膏不算多，但勝在蟹肉鮮甜。

大閘蟹餐　
每位$148（兩位起）

~青瓜海蜇頭~
~原盅雲吞雞燉翅~
~清蒸江蘇大閘蟹1隻（4両）跟薑茶~
~擔擔麵1碗~
~蟹粉小籠包2隻~
~高力豆沙香蕉~

■每位$148有齊6道菜，最低消費2個人，計茶芥小食加一都只是$348，抵食。

蟹粉剁至粉碎，嘗到看不到蟹粉痕迹！

雪園世家
（22734166）
地址：西九龍奧海城2期146舖
時間：11:30am-3:00pm、5:30pm-11:00pm；星期六、日及假期午市至3:30pm、晚市至11:30pm
收費：每位$148（2位起）、茶每位$5、小食每碟$5，另收加一

蟹海中　佛跳牆燉足6小時撐場

一入海都門口，已有一隻直徑五呎巨型大閘蟹跟你SayHi！今年更特別訂做一萬隻印有大閘蟹圖片的碟與醬油碟、筷子套、牙籤套，蟹海中，想唔食大閘蟹都唔得啦！
除了蟹粉蒜茸包，其魚翅佛跳牆也有花膠、瑤柱、螺肉、雞腳撐場燉足6小時，已經值回票價。到這地步已半飽，夠氣夠力拆多兩隻足4両的太湖大閘蟹，建議只吃蟹膏不吃肉，因要留肚吃今年新加的松皮雞竹筒飯呢！