多次公開表示很想生仔的張栢芝，近日與老外男友Jeroen經常晒恩愛，昨日栢芝突然隻身出現在銅鑼灣聖保祿醫院，更對着電話哭喊：「一定要保住個BB。」隨即入住該院五樓的婦產科，男友Jeroen則陪伴在側。事後栢芝弟弟張豪龍和經理人均指栢芝因「疲勞過度」入院，事件耐人尋味。
本報昨日接獲讀者歐陽女士報料，指早上約十一時與母親到銅鑼灣聖保祿醫院看病期間，突然聽到有人步入醫院時，拿着電話大聲哭喊，細看之下發現來者正是張栢芝，身穿短裙的她等待升降機時，更哭喊着對電話說：「睇住個BB呀，一定要保住個BB呀，個BB好緊要㗎！」其後便乘升降機直上五樓婦產科。
家人緊張
弟弟父親齊趕往醫院
歐陽女士昨日在電話中說：「當時醫院好少病人，但因為栢芝好大聲，所以都會望住佢，栢芝好瘦，佢講電話時係咁喊，冇晒儀態。」記者接到電話後即趕往聖保祿醫院，至下午約三時四十五分，發現栢芝的弟弟張豪龍現身。
張豪龍泊好車後拿着一袋物件獨自上了五樓婦產科，由於未能即時進入病房，於是與早已到場的栢芝助手一起下樓抽煙，現場所見，栢芝的助手已換上醫院的鞋和裝束，似乎已逗留了一段時間。記者上前問豪龍是否因栢芝入院而到場時，他說：「我都係啱啱先知，重未見到佢（栢芝），乜嘢情況都唔知，所以答唔到你。」記者再問豪龍的父母可有探栢芝？他說：「爹哋（鬍鬚勇）喺入面。」至於另一弟弟張柏文，豪龍說：「我都未搵到佢。」
通宵開工
經理人解畫勞碌過度
豪龍其後上樓探望栢芝，約十分鐘後離開，他對記者說：「家姐只係疲勞過度，佢之前拍王晶套戲（《野蠻必殺技》）已經有唔舒服，今朝開工拍咗少少就覺得唔舒服。」而下午約五時，栢芝的化妝師好友RickChin和一名女性好友到場探望，二人離去時均不發一言。
至於栢芝的經理人約六時探完栢芝後說：「栢芝入院嘅原因大家唔好胡亂猜測，佢只係因為一開工就發燒，佢噚日返香港，凌晨一點拍韋家輝嘅《最愛女人購物狂》，一開工已經唔舒服，公司叫佢多啲休息，但佢唔想影響套戲嘅進度，栢芝好錫韋家輝，套戲又有小鳳姐（徐小鳳）同天林叔（王天林），佢拍到今朝十點，係公司送佢入院嘅，吊咗鹽水同打咗抗生素，栢芝聽朝六點又要開工，套戲十一月要拍完，如果佢唔拍就要全部停工，所以佢唔想影響套戲。佢入院時燒到一百零二度，𠵱家一百度，把聲好萌，只係發燒啫，冇其他嘢。」
男友風騷
探病後吹口哨歎糖水
其後張栢文於下午約七時到達醫院，至於栢芝的老外男友Jeroen，原來一直在醫院陪伴栢芝，至晚上約七時零五分，記者見Jeroen獨自離開，今次栢芝因「疲勞過度」入住婦產科，保守估計他起碼陪了女友四小時以上，果然是患難見真情。而Jeroen離開醫院後，獨自返回跑馬地寓所，並買了糖水和咖啡外賣，記者上前問他栢芝是否懷孕時，Jeroen不肯回答，但吹着口哨上樓，似乎心情十分好。
此外，張栢芝前日以蕾麗爾纖體公司負責人身份，出席在北京舉行的中國纖體師新職業試驗培訓新聞發布會時，穿上露臍裝兼戴臍環上陣，配以超短迷你裙，當時栢芝還表現得精神奕奕，沒有絲毫不適的現象。
採訪、攝影：娛樂突發組
