古巨基、徐濠縈、梁漢文、李璨琛、黃耀明及葛民輝等前晚於銅鑼灣出席adidas新店開幕派對，黃耀明更即場買了一件七千多元的皮褸。
基仔𢱑贊助
徐濠縈對於早前男友陳奕迅指有很多對她不公的報道，她說：「冇話公唔公平，好多報道除咗個名，全部係假嘅，我都習慣，我家人同男友知乜事就得。」陳奕迅指她二十二歲已開始看婚紗，徐濠縈謂：「我一直期待結婚同生ＢＢ，貪玩又想有家庭，婚期未定呀，唔講呢啲呀，等陣又俾人話我迫婚，隻求婚戒指係大肚前Eason（陳奕迅）送畀我㗎。」
古巨基前晚身上一件adidas衣物都沒有，他說：「咁我今晚嚟完，唔知佢哋會唔會贊助我呢。」有觀眾投訴基仔上周在台慶夜唱歌的樣子讓人不安，基仔沒好氣說：「乜鬼都有，算啦，呢個世界好玄妙，啲人隨口噏，睇乜都會令人不安，我自己安就得。」
採訪：李珮洳 攝影：葉君海
