還有個多星期才到萬聖節，但余文樂、薛凱琪（Fiona）和Krusty一班嘩鬼前晚已急不及待扮死屍行騷。雖然大會要薛凱琪塗黑眼圈扮鬼，但Fiona不但不介意，還覺得十分好玩。
余文樂、薛凱琪、at17、ILoveUBoyz和Krusty，前晚在中環出席電影《怪誕屍新娘》一個時裝騷活動，除at17外，眾人齊齊模仿電影中的造型出現，如Fiona便以《怪》片女主角造型現身，把眼圈塗黑及把部份頭髮噴白。
冇俾Twins迫坐地
Fiona說：「我第一次咁打扮，覺得好好玩，好得意，好有新鮮感，亦都唔怕用咁醜樣嘅造型出現。」Fiona又表示本月三十一日萬聖節將在工作中度過，因此無暇參加派對。
近日有報道指無綫《翡翠歌星賀台慶》當晚因為Twins霸了化妝間的長櫈使用，令Fiona要坐在地上，但Fiona否認道：「誤會嚟啫，我同經理人冇地方坐，咁啱見地下有空位，所以咪坐地下囉！」
獲贈睡裙扮女人
余文樂前晚亦以一頭白髮的造型出現，相當特別，他笑說：「我扮嘅角色係人類，唔係死屍！我對眼唔使畫黑，因為我本身已經有黑眼圈。」
此外，余文樂昨日在尖沙嘴舉行「Whetherornot」萬聖節派對，2R及張敬軒亦有撐場，軒仔還送上一套喱士睡裙及內褲給樂仔，希望他有機會繼《翡翠歌星賀台慶》後再男扮女裝，不過最後阿樂反過來取笑對方與王菀之（Ivana）的緋聞，他說：「原來上次周刊影到你同Ivana係去買呢樣嘢！」
採訪、攝影：張俊銘
