十運會包廂票每張十萬蚊人民幣，開幕嗰日好多企業都爭住搶。梗係啦，入面設備一流，除咗真皮梳化、小巧嘅吧台之外，仲有洗手間、淋浴間同廚房，同五星級大酒店冇乜分別。咁十運會之後啲包廂用嚟做咩？有關人士話，奧體中心係十運之後都會有其他大型演出活動，包廂都係俾貴賓睇下表演，不過亦都有可能改建成商務辦公間。