薑真係越老越辣，立法會主席范徐麗泰，連長毛都搞得掂，認真唔簡單，香港人好明白事理，長毛如果太過份，佢哋未必鍾意。
最近肥龍拋出不可改嘅方案，建議加多十位議員，直選同功能各五席，范太真係多得佢唔少，事關立會議事堂已經迫爆，冇得再加位，而添馬艦重未動工，都唔知幾時先有新大樓用。
喺諗冇可諗嘅情況下，范太話，真係可以減啲高官嘅位置，改畀議員坐，反正班官都成日嚟唔齊，留咁多空櫈喺度都冇用。煲呔都可以叫啲問責局長唔使次次去開行會，咁佢哋都唔使去晒立法會啦。
所以話呢，唔搞好啲配套真係好麻煩，如果肥龍重係企梗乜都唔肯讓步，又冇時間表，又要保留委任議席，咁原地踏步都係好嘅選擇，點解？咪因為唔夠位坐囉。
爆料熱線：29290000、27860099
報料傳真：26239278
報料電郵：[email protected]