吳孟達日前接受內地傳媒訪問時被問到幾時會再同周星馳合作，達哥直認同星爺喺出年開拍嘅《功夫2》會再合作，佢話：「不過因為劇本未出，所以未知演乜嘢角色。」其實當年星爺拍《功夫》時冇預達哥份，唔知頭唔知路嘅達哥重推咗幾部戲，嬲到話以後唔同星爺合作，𠵱家佢兩個再合作，相信以往不愉快嘅事都已經雨過天青。