下周二（二十五日）便三十四歲生日的朱茵，前晚到尖沙嘴欣賞「拉斯維加斯貓王」當尼．艾維斯的演出，她透露自己一向喜歡貓王的歌曲。
夾傷手指
問到朱茵的男友黃貫中（Paul）可會為她唱情歌？她說：「佢唔係唱呢啲歌，佢會揀自己嘅歌唱，同埋多數唱新歌畀我聽，佢作畀我啲歌係唔可以出街，只可以自己欣賞。」
朱茵近日剛拍完電視劇《逐日英雄》，演出的角色需要揸槍上陣，朱茵說：「我不時夾到手受傷，因為安排我揸冇子彈嘅真槍，所以每次開槍都會塞棉花喺耳仔。」早前有一名警花練習時手槍走火大腿受傷，朱茵說：「所以我拍嘢時一舉高支槍，大家就四散。」問到朱茵覺得她生日當天阿Paul可會求婚？她說：「𠵱家太忙，不過求咗都唔話大家知。」
採訪、攝影：駱華齡