陳祖澤打骰嘅九龍巴士控股有限公司，噚日話想改名為「載通國際控股有限公司」，英文名叫做「TransportInternationalHoldingsLimited」。九巴話，由於公司業務持續擴展，由以往只做巴士到𠵱家做埋路訊通，又搞地產，生意亦由九龍新界，擴展到北京、上海、大連、無錫、廣州同深圳。董事會認為新名更切合反映現有業務範疇，亦可以提升企業形象云云。
不過，改名嘅係上市間控股公司，集團旗下享有新界九龍專營權嘅九龍巴士（一九三三）有限公司，同埋做大嶼山及機場巴士線嘅龍運巴士公司，就會保留原名，所以我哋重可以叫佢哋做九巴，但係買賣股票時就要改口喇。九巴雖然已衝出九龍，但叫咗咁多年，突然話要改名，始終有啲唔慣。
傳真︰2623-9278
電郵︰[email protected]