朋友Martha前兩日來電，話福苑𠵱家做緊Promo，大閘蟹每隻$16.8，重係來自上海老三陽，真係有咁平？前兩晚就親身去試過。
甫坐下，急不及待叫了三隻大閘蟹，侍應還推介$128「東星斑兩味」，說東星斑好少做得咁平，係呢幾日先至有，包括有碧綠炒斑球、金針雲耳蒸頭腩。落單後十數分鐘，炒斑球端上，隔多五分鐘，大閘蟹也來了，再過十分鐘，最後金針雲耳蒸頭腩都送上來。
頻頻換碟好騷擾
蟹膏中規中矩，油量也算OK，以$16.8一隻來說算超值。唯一失策的是三碟食物都要趁熱吃，慢慢拆蟹肉吃，魚塊就冷涼。侍應「小紅姐」好心提議，下次吃時不妨先把其他食物蓋上，待吃完蟹後才吃。我就覺得，倒不如先order蟹，吃得差不多時才另外叫餸。滿足蟹慾後，埋單結算，除了每位$8茶錢，全枱$8花生醬料，其餘收費都實價實收，夠均真。唯一美中不足，是侍應的恩勤有點過了火，經常要來換碟，雖然是服務之一，但密度太高，就會變成騷擾啊！
記者：兩田
福苑火鍋海鮮酒家（34228222）
地址：旺角西洋菜南街51號友誠商業中心2樓