政府同友好傳媒放風都唔係新鮮事，尤其肥龍上場後，有關政改同西九嘅風真係無日無之，重幾乎百分百準確。
不過，放風還放風，政府如果唔尊重立法會，唔喺推出政策前同立法會傾傾，又真係幾令議員勞氣嘅，所以肥龍早排向立法會內務委員會主席劉健儀承諾，會就政策外洩問題展開深入調查。
八方睇見肥龍咁講，真係忍唔住笑；雖然肥龍唔肯認放過風，但信不信由你啦，咁實在嘅猛料，你估真係普通官仔可以同傳媒吹出嚟咩。𠵱家重要由佢自己負責跟進調查，即時令八方諗起咩叫做「賊喊捉賊」，唔知肥龍到時候會唔會向立法會交出「放料人」呢？
肥龍亦承諾向煲呔反映，希望煲呔每月出席一次立法會答問大會，每次約個半小時，暫時梗係唔知煲呔制唔制啦。
傳真︰2623-9278
電郵︰[email protected]