葉璇和張智霖前晚在銅鑼灣接受蕭定一主持的網站節目《大娛樂家》訪問。葉璇近日為華娛衞視主持節目，並訪問了譚詠麟（阿倫），她說：「一個成功男人身邊會有好多女人，阿倫形容自己係動物園管理員，佢對動物好呵護，我好欣賞佢呢個態度，不過佢話將家庭排喺第三位，我鍾意男人將家庭最少都要排喺第二位。」
拍內地劇爛尾
此外，葉璇又自爆近日有新戀情，她說：「唔係識咗好耐。」後來又改口說：「佢只係知心朋友，自己太忙，都係事業行先，唔可以有固定男友。」而張智霖近日返內地拍攝了一個單元劇《陸小鳳》，他說：「原本要拍十集，但後來冇期，只拍咗七集，𠵱家爛尾，我都有啲耿耿於懷。」
採訪、攝影：張俊銘