黎汝遠一號銀海入貨

幾間代理行早排輪流請投資者黎汝遠食飯，最近輪到佢回敬，日前請咗港置一眾高層，喺薄扶林貝沙灣會所食鮑翅宴。
聽講，黎汝遠與港置北角分行施議新好熟，最近透過施議新，入咗件大角嘴一號銀海。
講開貝沙灣餐飯，肯定唔可以唔提黎汝遠貝沙灣件貨，施議新話，個單位三千幾呎，連天台同工作平台，淨係裝修費，都用咗三百萬。