俗語有云：民以食為天，成都人都可以話係當中表表者，一項調查顯示，七成成都人經常喺街食飯。據講，上年成都餐飲業嘅零售額高達一百七十九億四千萬人民幣，成為繼廣州、上海同北京之後嘅「餐飲第四城」。其中一間叫它媽蹄花店嘅食肆一日就可以賣出成萬隻蹄花（豬手），日銷售額成十萬人民幣。