譚詠麟日前到南寧出席國際民歌晚會，蔡依林、周杰倫及《吉祥三寶》主唱歌手布仁巴雅爾均有份演出，阿倫則擔任壓軸表演嘉賓。
因開騷前曾下雨，舞台上有許多積水，阿倫為怕跣腳又想與歌迷握手，且忘記大會安排了煙花效果，故不時走到台邊，結果煙花爆發時被嚇得整個人彈起轉身即跑，幸好他仍能保持鎮定繼續演出，但他不知道會再有煙花效果，於是又走到台邊，結果再次被煙花嚇倒。
護偶像歌迷抗議
阿倫事後說：「做騷真係要好小心，我經驗多都一樣，好彩今次有驚無險。」阿倫又透露到南寧前，曾到青島舉行巡迴個唱，他表示懷疑當地傳媒因對安排的座位不滿，所以故意抹黑他，阿倫說：「佢哋寫衰我，啲青島歌迷就拉橫額去間報館門口抗議，但冇大吵大鬧，係無聲抗議，我好多謝班知音對我咁好，而且佢哋識用冷靜嘅方法去抗議，好成熟。」