月底又係Halloween西方鬼節，愈嚟愈多港人玩埋一份。各大商場肯定大搞活動，吸引消費者，𠵱家連發展商都唔放過呢個機會。
富豪酒店赤柱富豪海灣，今個月二十八號搞「保時捷車會老友鬼鬼萬聖節派對」，請到城中型男淑女、明星名模，以及一眾保時捷車主，揸埋架車去玩。
同場唔少得傳媒睇示範單位，富豪酒店行政董事羅寶文，到時會講吓做地產嘅心得。睇嚟，佢嘅宣傳推廣手腕都幾了得。唔知富豪海灣到時係咪順手即場賣埋樓？
另外，商場方面，新地多個場有萬聖節活動，包括沙田新城市廣場、旺角新世紀廣場及銅鑼灣世貿中心商場等。
電郵地址：[email protected]