鄧萃雯日前和黃囗瑩在跑馬地拍攝無綫新劇《女人唔易做》，劇中腹大便便的黃囗瑩懷疑雯女向她的丈夫借種生仔，前往捉姦時動了胎氣，雯女即截的士送黃金己瑩入醫院。
鄧萃雯日前與黃囗瑩、吳美珩和李家聲在跑馬地拍攝無綫新劇《女人唔易做》外景，劇情講述已有七個多月身孕的黃囗瑩懷疑雯女向飾演其夫婿的李家聲借種生仔，一怒之下與吳美珩到跑馬地捉姦，沒料到捉姦之際，瑩動了胎氣，李家聲、雯女和吳美珩即時截的士送她到醫院。
鬧西裝友無禮
問到雯女可試過送孕婦到醫院生產？她表示沒有，但她卻親眼目睹過堂堂大男人跟孕婦爭的士情況，雯女忿忿不平地說：「當日我喺中環見到個西裝骨骨嘅男人，同一個大肚婆爭的士，我想上前阻止佢，但隔得太遠趕唔切，惟有遠遠咁怒睥佢。
「以前讀書都有學過要對老弱婦孺禮讓㗎啦，但𠵱家好似冇咗呢樣嘢咁，呢種人真係好自私，淨係諗住自己！話唔定自己或者屋企人將來都可能有需要人幫助嘅時候，自己犧牲少少讓吓人哋，有幾難啫？就算係一件好小好小嘅事，對人哋嚟講可能有好大得着，幫到人令人哋開心之餘，自己又開心，何樂而不為呢！大家互相幫助，世界都會變得更美好！」
囗瑩盼生孖胎
而問到首次扮孕婦的黃囗瑩感覺如何？她笑說：「個個工作人員對我好優待，猛叫我行路小心啲，好似我真係大肚一樣。」未知囗瑩可有考慮生BB？她笑說：「冇諗過，我𠵱家都冇拖拍，不過，早排我去外國探過翁為德，見過佢對孖仔，好得意，如果第時生BB，都希望可以生孖胎。」
採訪、攝影：馮美茵、戴彩煥
