名模周汶錡（Kathy）最鍾意四圍捐窿捐罅搵食，任何菜式只要食物質素好，就會吸引她去試。又喜歡試新菜，菜式愈新鮮愈好，最好天天不同。不過，她貪新但不忘舊，特別是經典餐廳更會令她一試再試，今次跟住Kathy試其中兩間心水店，當中一碗外表平平無奇的周打蜆湯，卻是她的最愛！
記者：梁學文
攝影：周旭文
心水1
Amigo
壁畫都過百萬
要數香港經典西餐廳，在跑馬地的Amigo絕對可以入圍，是Kathy的心水推介。Amigo餐廳在1967年開始經營，至1976年搬至跑馬地，Kathy說：
「細個聽阿媽阿爸講有呢間餐廳，大咗至有機會嚟試。我最鍾意係呢度嘅氣氛，特別係夜晚喺呢度食Dinner，餐廳會將燈光校暗啲，感覺真係好好！」
餐廳內的環境舒適，一共分兩層，樓下是酒吧，樓上是餐廳。兩層都採用歐陸式的設計，牆壁上掛滿名畫，有四張更是真迹，每張價錢過百萬。整間餐廳充滿懷舊味道，各項擺設也增加了餐廳的氣氛，難怪成為Kathy的心頭好。
最啱減肥一族
Kathy謂她吃東西最緊要是食物質素，環境都是其次。要Kathy每月都來吃一餐，食物一定要好味道。
「我鍾意呢度嘅食物質素有保證，食咁耐都唔會失準。呢度嘅海鮮做得好好，好似個龍蝦沙律咁，龍蝦就好新鮮，最啱減肥一族。重有呢度有好多Wine可以襯唔同嘅菜式，一邊飲酒，一邊食嘢，真係正！」
這裏每位廚師，都在這裏工作超過二十年，食物質素和味道一直都保持水準。另外，酒窖裏有二千多支藏酒，大多是由法國進口，幾乎甚麼年份也有。說到這裏，見到廚師緩緩推出餐車，Kathy已急不及待要試試廚師即場烹調的招牌周打蜆湯。
周打蜆湯$135
這款周打蜆湯是餐廳招牌菜之一，亦是Kathy喜歡的餐湯。周打蜆湯用新鮮蜆肉做，師傅會在人客面前開蜆，然後煮湯。蜆湯即叫即做。蜆湯入口較稠，味道濃郁。
Kathy：「好鍾意個湯夠濃味，出面飲呢個湯，好多都好稀㗎！」
香煎罌粟子鵝肝士多啤梨莎莎$230
選用法國入口的鵝肝，先輕輕煎至金黃色，但不會煎熟。然後就入爐焗，目的是令鵝肝的中心部份變暖，大約七成熟就最好味。最後配上士多啤梨汁，就可以上碟。
Kathy：「士多啤梨汁酸酸甜甜，可以引出鵝肝醬嘅香味。」
拿破崙餅 $65
拿破崙餅是Amigo最出名的甜品，每日會限量製造，要試就要盡早預訂。師傅先做好酥皮，再加蛋糕和自製忌廉醬，一層一層叠起。十多層的拿破崙餅，入口鬆脆可口。
Kathy：「我都好鍾意呢款甜品，而且會外賣返屋企。」
Amigo（25772202）
地址：跑馬地黃泥涌道79A
座位：80個
營業時間：12:00nn-3:00pm、6:00pm-12:00mn
心水2
譽滿坊
點心過百款
Kathy細細個會跟媽咪同爹哋一家人去茶樓飲茶，不過人大了有時要工作很難一起去，反而多了跟朋友一起去歎一盅兩件。Kathy說：
「我都好鍾意食點心，一班朋友或者同屋企人去飲茶就最開心。呢度坐得好舒服，最重要係呢度有好多款點心畀我揀，淨係蝦餃都有好多款。」
的而且確，譽滿坊有過百款點心任客人選擇，而食店採用中式的設計，亦設有多個卡位，讓人客有更多私人空間。
椰絲奶皇馬拉卷$25
師傅先打好馬拉卷的醬，然後蒸熟，再加入奶皇椰絲一齊捲。馬拉卷入口軟綿綿又鬆化，奶皇和椰絲味則香甜。
上素芋絲炸春卷$80（前）
香焗松子仁叉燒酥$80（後）
上素芋絲春卷是Kathy愛吃和推介的點心，用金菇、芋絲和蘑菇等做餡，外皮香脆鬆化，內裏的餡料爽口。而用松子仁做叉燒酥夠特別，松子味道香成本高，配合蜜味的叉燒，令叉燒酥變得不平凡。
金箔鮮蝦魚翅餃$60（前）
翡翠官燕鮮蝦餃$80（後）
跟一般蝦餃一樣，不過加了魚翅和金箔就矜貴得多。鮮蝦入口彈牙，上面的魚翅又爽口，味道一流。而翡翠官燕鮮蝦餃的皮就是用菠菜汁做，味道特別，再加上上等官燕，一來養顏二來增加了蝦餃的口感。
譽滿坊（28348893）
地址：跑馬地成和道63號地下
座位：70個
營業時間：星期一至五11:00am-4:30pm，6:00pm-11:00pm、星期六及公眾假期10:30am-4:30pm，6:00pm-11:00pm