元彪前日到佛山為無綫台慶劇《佛山贊師父》宣傳，他批評現時電影開拍兩個星期至一個月便稱之為大製作，還是拍電視劇較開心，他又說不明港人為何捧TonyJaa等外國武打明星，聲稱香港才是功夫電影發源地。
無綫為宣傳下周一推出的台慶劇《佛山贊師父》，前日拉大隊到佛山詠春發源地「尋根」，出席演員包括元彪、李詩韻、胡諾言、洪天明、梁家仁、李思欣和監製莊偉建等。眾人除到佛山市博物館參觀「葉問堂」及「功夫廊」外，更聯同二百位佛山市詠春弟子一齊練習詠春，場面壯觀。
問首次拍電視劇的元彪對於新劇收視有何寄望時，他說：「我對拍劇冇經驗，收視唔知幾點至好，不過我又唔會擔心收視問題，好嘢一定有人睇。」
拍一個月非大製作
問將來可會主力轉拍電視劇時，元彪說：「𠵱家電影製作好普通，冇以前咁過癮，拍兩個星期或者一個月就話大製作，我哋以前拍八個月㗎！都係電視劇直接啲，演員有好多時間相處，好開心。」
元彪不諱言無綫有跟他再接觸，但個人尚要考慮及視乎劇本。元彪又說：「香港係功夫片發源地，有好多人才，我唔係唔認同泰國武打明星柏朗伊雲（TonyJaa）嘅功夫，但我唔明點解香港人唔捧番香港武打明星，要捧外國人啫。」
天明俾老竇爆滾女
另外，洪金寶早前大爆兒子洪天明經常「滾女」，並揚言希望早日抱孫。而前日所見，天明全程黐實李思欣、李詩韻和陳文靜等靚女，對於洪金寶指他「滾女」，天明說：「老竇唔會講咁嘅嘢！我都想有個BB，不過要有對象先得㗎。」
採訪、攝影：蔡丹
