吳文忻早前到美國康州一賭場開騷，她笑言自己的歌藝雖然比不上同台拍檔海俊傑，但以快歌勁舞有齊視聽之娛搭夠，還獲主辦單位邀約添食。而留美期間吳文忻亦趁機會到紐約掃貨，結果在兩個小時內花掉七千港元，幸好在賭場遣興時標尾會，贏了八千大元。
吳文忻早前與海俊傑齊到美國康州一間賭場登台，合共演出三場。吳文忻特別準備了兩套性感服裝，大唱陳慧琳和容祖兒的快歌娛賓，而她除與海俊傑合唱外，亦邀請現場觀眾上台合唱，現場氣氛不俗，主辦商更因而邀她添食，斟洽她在農曆年間到拉斯維加斯表演。
曾學唱歌
海俊傑登台時曾大讚吳文忻歌藝不錯，又問她為何不參加新秀歌唱比賽入行？吳文忻笑道：「我見到你參加新秀之後就冇參加啦，因為你唱得咁勁，你嗰屆重玩升key㖭。」
日前吳文忻接受電話訪問時說：「其實我一向都鍾意唱歌，以前有跟過漢洋學唱歌，去親卡拉OK都霸住個咪，我幾鍾意上舞台嘅感覺，現場氣氛令人好開心。呢次同海俊傑合作有啲壓力，佢唱歌咁好，所以我就惟有用視覺上嘅嘢搭夠。」
瘋狂購物
吳文忻在美逗留五天，中途曾抽空乘坐三個小時車，前往紐約見舊同學及瘋狂購物，她說：「我去紐約時見番初戀情人，佢重帶埋女朋友出嚟，但我都識佢女朋友，大家有幾年冇見，再見感覺都重係朋友嘅。」
與初戀情人重聚後，吳文忻又逛紐約商店大出血，在兩個小時內花掉七千港元，她笑說：「好彩最後喺賭場贏番錢，我攞四百蚊美金做賭本，初頭玩輪盤，輸剩二十五蚊，之後轉玩百家樂，贏咗差唔多八千蚊港紙。」
採訪：朱倬誼
