下個月開演唱會嘅林子祥，唔知係咪預咗可以搵番一筆諗住買樓。噚日趁有時間由中原帶住參觀中環國金一期嘅大角嘴君滙港示範單位，新地周國賢重親自向佢介紹樓盤嘅優點。
可能阿Lam佢不嬲都唔太鍾意講嘢，加埋又唔係佢見慣見熟班娛記，所以都冇乜同我哋講佢對樓盤嘅睇法，淨係話好。不過就打趣咁向周國賢提議合作，買君滙港可以送佢嘅演唱會飛。聽中原講番，阿Lam好想睇現樓個CEOPenthouse。
近兩年啲樓盤都好鍾意搵娛樂圈人睇樓，以收宣傳之效，當然，唔少明星都好有米兼鍾意買樓投資嘅。不過，君滙港今次主題係promote緊CEOLiving，搵啲CEO嚟參觀唔係重啱佢哋個theme咩？